പൊതുതാത്പര്യഹർജി പരിഗണിച്ച് ജസ്റ്റിസ് അഭൈ എസ് ഓക, ഉജ്ജൽ എസ് ഭുയാൻ എന്നിവരടങ്ങുന്ന ബെഞ്ചാണ് വ്യാഴാഴ്ച കേസിൽ വിധി പറഞ്ഞത്. നടുന്ന പുതിയ തൈകളുടെ അടുത്ത 10 വർഷത്തെ പരിപാലനവും ഫാം ഹൗസ് അധികൃതരുടെ ചുമതലയായിരിക്കും. 340 മരങ്ങൾ നടാനുള്ള ഭൂമിയാണ് ഫാം ഹൗസ് ഉടമ നൽകേണ്ടത്. 2024 ഒക്ടോബറിൽ ആര്യവേപ്പുൾപ്പടെയുള്ള വർഷങ്ങൾ പഴക്കമുള്ള മരങ്ങൾ ഫാം ഹൗസ് ഉടമ മുറിച്ചുമാറ്റുകയായിരുന്നു.

ഈ മേഖലയിലെ 454 മരങ്ങൾ മുറിച്ചുമാറ്റിയ സംഭവത്തിൽ ശിവ ശങ്കർ അഗർവാൾ എന്നയാളിൽ നിന്ന്, ഒരു മരത്തിന് ഒരു ലക്ഷം രൂപ പിഴ ഈടാക്കണമെന്ന സെട്രൽ എംപവേർഡ് കമ്മിറ്റിയുടെ റിപ്പോർട്ട് മാർച്ചിൽ ഇതേ ബെഞ്ച് ശരിവെച്ചിരുന്നു. മരങ്ങൾ മുറിച്ചുമാറ്റിയ സ്ഥലം സന്ദർശിച്ച ശേഷമാണ് കമ്മിറ്റി റിപ്പോർട്ട് സമർപ്പിച്ചത്. ഇയാൾ സമർപ്പിച്ച ഹർജി തള്ളിക്കൊണ്ടായിരുന്നു കോടതി റിപ്പോർട്ട് ശരിവെച്ചത്.