ബൈക്കപകടത്തിൽ പരിക്കേറ്റ് ചികിത്സയിൽ കഴിഞ്ഞ പെരുവ കുന്നപ്പള്ളി ചെമ്മലപ്പള്ളിൽ രാഹുൽ ദേവരാജ് (27) മരിച്ചു. ബുധനാഴ്ച വൈകിട്ട് തിരുവാങ്കുളം പഞ്ചായത്ത് ബസ് സ്റ്റോപ്പിന് സമീപമായിരുന്നു അപകടം . വിഡിയോ എഡിറ്റിങ് ജോലി ചെയ്യുന്ന രാഹുൽ കാക്കനാടുള്ള സ്റ്റുഡിയോയിൽ ജോലി ചെയ്ത ശേഷം പെരുവയിലെ വീട്ടിലേക്ക് മടങ്ങുന്ന വഴി ആയിരുന്നു അപകടം. ഇവിടെയുള്ള റോഡ് കഴിഞ്ഞ ദിവസം ടാർ ചെയ്തതോടെ റോഡ് ഒരടിയോളം വശങ്ങളിൽ നിന്ന് ഉയർന്നു. ഈ ഭാഗത്തുള്ള കട്ടിങ്ങിൽ ബൈക്ക് വീണപ്പോൾ സമാന ദിശയിൽ വന്ന മിനി ലോറി ഇടിച്ചു എന്നാണ് സമീപവാസികൾ പറഞ്ഞത്. രാഹുലിനെ ഉടൻ തന്നെ എറണാകുളത്തെ സ്വകാര്യ ആശുപത്രിയിൽ എത്തിച്ചെങ്കിലും ചികിൽസയിലിരിക്കെ മരിച്ചു.
Copyright © 2024 - 2025 Drisya TV.
