Drisya TV | Malayalam News

കോഴിക്കോട് സൈനികസ്‌കൂൾ ഹോസ്റ്റലിൽനിന്ന് കടന്നുകളഞ്ഞ 13-കാരനെ പുണെയിൽ കണ്ടെത്തി

 Web Desk    31 Mar 2025

സൈനികസ്‌കൂൾ ഹോസ്റ്റലിൽനിന്ന് കടന്നുകളഞ്ഞ 13-കാരനെ പുണെയിൽ കണ്ടെത്തി. ബിഹാർ സ്വദേശിയായ ആൺകുട്ടിയെ കഴിഞ്ഞ തിങ്കളാഴ്ചയാണ് കാണാതായത്.മലാപ്പറമ്പിലെ വേദവ്യാസ സൈനികസ്കൂൾ ഏഴാംക്ലാസ് വിദ്യാർഥിയാണ്.

തിങ്കളാഴ്ച പുലർച്ചെ ഹോസ്റ്റലിൽനിന്ന് ആരെയും അറിയിക്കാതെ കടന്നുകളയുകയായിരുന്നു. സ്ൾ അധികൃതരുടെ പരാതിയിൽ നടക്കാവ് പോലീസ് കേസെടുത്തിരുന്നു.കോഴിക്കോട് റെയിൽവേ ‌സ്റ്റേഷനിലെ സിസിടിവിയിൽ കുട്ടിയുടെ ചിത്രം പതിഞ്ഞിരുന്നു. തിങ്കളാഴ്‌ച 11 മണിയോടെ പാലക്കാട് റെയിൽവേ സ്റ്റേഷനിൽ എത്തിയതായും സ്ഥിരീകരണമുണ്ടായിരുന്നു. നാലാം പ്ലാറ്റ്ഫോമിൽനിന്നുള്ള ദൃശ്യം പോലീസിന് ലഭിച്ചിരുന്നു.

സ്കൂൾ ഹോസ്റ്റലിലെ ഒന്നാം നിലയിൽനിന്ന് ലൈനിൽ തൂങ്ങിയാണ് കുട്ടി താഴേക്ക് ഇറങ്ങിയത്. താഴെ വീണാൽ പരിക്കേൽക്കാതിരിക്കാൻ കിടക്ക നിലത്തിട്ട ശേഷമാണ് ചാടിയത്.

  • Share This Article
Drisya TV | Malayalam News