പുതിയ ഫീച്ചറുകളും വേരിയൻ്റുകളും 80,750 രൂപ മുതൽ 1.03 ലക്ഷം രൂപ വരെ വിലയുള്ള വിവിധ വേരിയന്റുകളിൽ ഈ ഗിയർലെസ് സ്കൂട്ടർ ലഭ്യമാണ്. ടോപ്പ്-സ്പെക്ക് വേരിയന്റിൽ TFT ഇൻസ്ട്രുമെന്റ് കൺസോളും ബ്ലൂടൂത്ത് കണക്റ്റിവിറ്റിയും ഉൾപ്പെടുന്നു, ഇത് പ്രീമിയം അനുഭവം ഉറപ്പാക്കുന്നു. Y-കണക്റ്റ് മൊബൈൽ ആപ്പ് വഴി ടേൺ-ബൈ-ടേൺ നാവിഗേഷൻ, ഗൂഗിൾ മാപ്സ് സംയോജനം, റിയൽ-ടൈം ദിശാനിർദേശങ്ങൾ, ഇൻ്റർസെക്ഷൻ അലേർട്ടുകൾ എന്നിവ യാത്രകളെ എളുപ്പമാക്കും.

2025 ഫാസിനോ 125 Fi ഹൈബ്രിഡിൽ 'എൻഹാൻസ്‌ഡ് പവർ അസിസ്റ്റ്' ഫംഗ്ഷൻ അവതരിപ്പിച്ചിട്ടുണ്ട്. ഇത് മികച്ച ആക്സിലറേഷനും കയറ്റം കയറുമ്പോൾ സ്ഥിരതയും ഉറപ്പാക്കുന്നു. ഹൈ-പെർഫോമൻസ് ബാറ്ററിയും സ്മാർട്ട് മോട്ടോർ ജനറേറ്ററും ഉപയോഗിച്ച് സൈലന്റ് സ്റ്റാർട്ടും മെച്ചപ്പെട്ട ഇന്ധനക്ഷമതയും ലഭിക്കുന്നു. സ്റ്റാർട്ട്/സ്റ്റോപ്പ് സിസ്റ്റം 68.75 കിലോമീറ്റർ മൈലേജ് ഉറപ്പാക്കുന്നു.

പുതിയ ഫാസിനോയിൽ ടോപ്പ്-സ്പെക്ക് S വേരിയന്റിന് മാറ്റ് ഗ്രേ, ഡിസ്ക‌് ബ്രേക്ക് വേരിയന്റിന് മെറ്റാലിക് ലൈറ്റ് ഗ്രീൻ, എൻട്രി ലെവൽ ഡ്രം ബ്രേക്ക് വേരിയൻ്റിന് മെറ്റാലിക് വൈറ്റ് എന്നീ കളർ ഓപ്ഷനുകൾ ലഭ്യമാണ്. 125 സിസി എയർ-കൂൾഡ്, ഫ്യുവൽ-ഇഞ്ചക്റ്റഡ് ബ്ലൂ കോർ ഹൈബ്രിഡ് എഞ്ചിൻ 8 bhp കരുത്തും 10.3 Nm ടോർക്കും നൽകുന്നു. സിവിടി ഓട്ടോമാറ്റിക് ഗിയർബോക്സുമായി ജോടിയാക്കിയ ഈ എഞ്ചിൻ E20 ഇന്ധന മാനദണ്ഡങ്ങൾ പാലിക്കുന്നു.

അണ്ടർബോൺ ഷാസിയിൽ ടെലിസ്കോപ്പിക് ഫോർക്കും മോണോഷോക്ക് സസ്പെൻഷനും 12 ഇഞ്ച് അലോയ് വീലുകളും ഉൾപ്പെടുന്നു. ഫ്രണ്ട് ഡിസ്ക്, ഡ്രം ബ്രേക്ക് ഓപ്ഷനുകൾ വേരിയന്റിനെ ആശ്രയിച്ച് ലഭ്യമാണ്.