ദൗത്യം, കാലാവസ്ഥാ നിരീക്ഷണം, റേഡിയേഷൻ സെൻസർ ഉൾപ്പടെയുള്ള ശാസ്ത്ര പരീക്ഷണ ദൗത്യങ്ങളാണ് സ്റ്റാർഷിപ്പ് റോക്കറ്റിൽ ഇറ്റലി ചൊവ്വയിലേക്ക് അയക്കുക. ഭൂമിയിൽ നിന്ന് ചൊവ്വയിലേക്കും പിന്നീട് ചൊവ്വയുടെ ഉപരിതലത്തിലേക്കുമുള്ള സ്റ്റാർഷിപ്പിന്റെ ആറ് മാസക്കാലം നീളുന്ന യാത്രയിൽ പരമാവധി ശാസ്ത്രീയ വിവരങ്ങൾ ശേഖരിക്കുകയാണ് ദൗത്യത്തിലൂടെ ഇറ്റലി ലക്ഷ്യമിടുന്നതെന്ന് ഏജൻസി പുറത്തിറക്കിയ പത്രക്കുറിപ്പിൽ പറഞ്ഞു. സ്പേസ് എക്സ് ചീഫ് ഓപ്പറേറ്റിങ് ഓഫീസർ ഗ്‌വയ്‌ൻ ഷോട്ട് വെലും ഈ ദൗത്യത്തെ കുറിച്ച് എക്‌സിൽ പോസ്റ്റ് പങ്കുവെച്ചിട്ടുണ്ട്.

2026 ൽ ചൊവ്വയിലേക്കുള്ള സ്റ്റാർഷിപ്പിന്റെ ആദ്യ വിക്ഷേപണം നടത്താനാണ് സ്റ്റാർഷിപ്പ് ലക്ഷ്യമിടുന്നത്. ഇതിൽ ടെസ്ലയുടെ ഒപ്റ്റിമസ് റോബോട്ടുകളെ ചൊവ്വയിലേക്ക് അയക്കും.റോബോട്ടുകളെ ഉപയോഗിച്ചുള്ള ദൗത്യം വിജയകരമായി പൂർത്തിയാക്കിയതിന് പിന്നാലെ മനുഷ്യരെയും ചൊവ്വയിലേക്ക് അയക്കും.സ്റ്റാർഷിപ്പിന്റെ അടുത്ത ഇന്റഗ്രേറ്റഡ് ഫ്ളൈറ്റ് ടെസ്റ്റിന് ഒരുങ്ങുകയാണ് സ്പേസ് എക്സ്. ഇപ്പോഴും പരീക്ഷണ ഘട്ടത്തിലിരിക്കുന്ന ഈ റോക്കറ്റ് ചൊവ്വയിലേക്ക് ബഹിരാകാശ യാത്രികരെ എത്തിക്കുന്നതിനും അവിടേക്കുള്ള സാധന സമാഗ്രികൾ എത്തിക്കുന്നതിനുമാണ് ലക്ഷ്യമിടുന്നത്.

ലോകത്തെ ഏറ്റവും വലിയ ബഹിരാകാശ റോക്കറ്റാണ് സ്റ്റാർഷിപ്പ്. ഈ വർഷം മൂന്ന് തവണ പരീക്ഷണ വിക്ഷേപണം നടത്തിയ സ്റ്റാർഷിപ്പ് ഇതുവരെ ഭൂമിയെ ചുറ്റുന്ന ഭ്രമണപഥം വരെ എത്തിയിട്ടില്ല. എല്ലാ പരീക്ഷണങ്ങളിലും റോക്കറ്റിന്റെ മുകളിലുള്ള ഭാഗം പൊട്ടിത്തകരുകയാണ്. റോക്കറ്റിന്റെ പത്താമത് പരീക്ഷണ വിക്ഷേപണം ഈ മാസം നടക്കുമെന്നാണ് പ്രതീക്ഷിക്കുന്നത്. അതിനിടെ നിലവിലുള്ള സ്റ്റാർഷിപ്പിനേക്കാൾ വലിയ റോക്കറ്റ് നിർമിക്കാനുള്ള ശ്രമങ്ങളും സ്പേസ് എക്സ് തുടങ്ങിക്കഴിഞ്ഞു.