ലോകത്തിലെ ഏറ്റവും ദൈർഘ്യമേറിയ ട്രെയിൻ യാത്ര. 18,755 കിലോമീറ്ററാണ് ഈ ട്രെയിൻ യാത്രയുടെ ദൂരം. യാത്ര പൂർത്തിയാക്കാൻ ഏകദേശം 21 ദിവസമെടുക്കും. വൈവിധ്യമാർന്ന സംസ്‌കാരങ്ങളും ആശ്വാസകരമായ ഭൂപ്രകൃതികളും 13 വ്യത്യസ്ത രാജ്യങ്ങളിലൂടെയുള്ള യാത്രയുടെ ആവേശവും അനുഭവിക്കാൻ ഈ യാത്ര സഞ്ചാരികൾക്ക് അവസരമൊരുക്കുന്നു.പോർച്ചുഗലിലെ അൽഗാർവ് മേഖലയിലെ മനോഹര നഗരമായ ലാഗോസിൽ നിന്നാണ് ട്രെയിൻ യാത്ര ആരംഭിക്കുന്നത്. സിംഗപ്പൂരിൽ ഇറങ്ങുന്നതിന് മുമ്പ് സ്പെയിൻ, ഫ്രാൻസ്, റഷ്യ, ചൈന, വിയറ്റ്നാം, തായ്‌ലൻഡ് എന്നീ രാജ്യങ്ങളിലൂടെയും ട്രെയിൻ കടന്നു പോകും. പാരീസ്, മോസ്കോ, ബെയ്ജിംഗ്, ബാങ്കോക്ക് തുടങ്ങിയ പ്രധാന നഗരങ്ങളിലൂടെയും ട്രെയിൻ കടന്നുപോകും. 11 റൂട്ട് സ്റ്റോപ്പുകളും ഈ ട്രെയിനിനുള്ളത്. ഇത്രയും ദൈർഘ്യമേറിയ ട്രെയിൻ യാത്രക്കുള്ള ചെലവ് എത്രയായിരിക്കും എന്നായിരിക്കും പലരുടെയും ആകാംക്ഷ. ചെലവ് ഏകദേശം €1,186.65 ആണ് അതായത് ഇന്ത്യൻ രൂപ 1,14,077.30.
ലാവോസിനും ചൈനയ്ക്കുമിടയിൽ അടുത്തിടെ തുറന്ന റെയിൽപ്പാത യൂറോപ്പിനെ ഏഷ്യയുമായി ബന്ധിപ്പിക്കുന്നതിൽ നിർണായക പങ്ക് വഹിച്ചു. ലാവോസിൻ്റെ സമ്പദ്‌വ്യവസ്ഥയെ ഉത്തേജിപ്പിക്കാനും പോർച്ചുഗലിൽ നിന്ന് സിംഗപ്പൂരിലേക്കുള്ള തടസ്സമില്ലാത്ത യാത്രാനുഭവം പ്രദാനം ചെയ്യാനും ഈ സംരംഭം ലക്ഷ്യമിടുന്നു.കടന്നുപോകുന്ന രാജ്യങ്ങളിലെ വിവിധ റെയിൽവേ കമ്പനികളുടെയും സംഘടനകളുടെയും സഹകരണത്തോടെയാണ് ഈ യാത്ര സാധ്യമായത്. ചൈനയിലെ കുൻമിങ്ങിനെ ലാവോസിൻ്റെ തലസ്ഥാന നഗരിയായ വിയൻ്റിയനുമായി ബന്ധിപ്പിക്കുന്ന ലാവോസിൽ പുതിയ റെയിൽവേ ലൈൻ തുറന്നതാണ് യാത്ര സാധ്യമാക്കിയത്. ലണ്ടനിൽ നിന്ന് സിംഗപ്പൂർ റൂട്ടിൽ ഉണ്ടായിരുന്ന മുൻ റെക്കോർഡ് മറികടന്ന് ലോകത്തിലെ ഏറ്റവും ദൈർഘ്യമേറിയ റെയിൽ യാത്ര എന്ന നേട്ടം കൈവരിച്ചിരിക്കുകയാണ് പോർച്ചുഗലിലെ ലാഗോസിൽ നിന്ന് സിംഗപ്പൂർ വരെ നീണ്ടുകിടക്കുന്ന യാത്ര.
