തിരുച്ചെന്തൂരിൽ ക്ഷേത്രത്തിലെ അന്നദാനത്തിനിടെ ആനയുടെ ആക്രമണത്തിൽ 2 പേർ മരിച്ചു.തിങ്കളാഴ്ച വൈകിട്ട് തിരുച്ചെന്തൂർ ജില്ലയിലെ മുരുകൻ ക്ഷേത്രത്തിലായിരുന്നു സംഭവം.ക്ഷേത്രത്തിലെ പിടിയാനയായ ദേവയാനിയുടെ ആക്രമണത്തിൽ പാപ്പാൻ ഉദയകുമാറും (45) ബന്ധു ശിശുപാലനുമാണു (55) മരിച്ചത്.പഴവുമായി അടുത്തെത്തിയ ശിശുപാലൻ, ആനയ്ക്കു പഴം നൽകിയ ശേഷം തുടർച്ചയായി സെൽഫി എടുത്തു. ഇത് ഇഷ്ടപ്പെടാതിരുന്ന ആന ആക്രമിക്കുകയായിരുന്നു.ശിശുപാലന്റെ നിലവിളി കേട്ട് രക്ഷിക്കാനെത്തിയ ഉദയകുമാറിനെയും ആന അടിച്ചുവീഴ്ത്തി ചവിട്ടി. ഇരുവരെയും ഉടൻ ആശുപ്രതിയിലെത്തിച്ചെങ്കിലും ജീവൻ രക്ഷിക്കാനായില്ല. കൊല്ലപ്പെട്ട ഉദയകുമാർ വർഷങ്ങളായി തിരുച്ചന്തൂരിലാണു താമസിക്കുന്നത്.കന്യാകുമാരി ജില്ലയിലെ പളുകൽ സ്വദേശിയായ ശിശുപാലൻ വിമുക്ത ഭടനാണ്.മരിച്ച ശിശുപാലൻ്റെ അടുത്ത ബന്ധുവാണ് ഉദയകുമാർ.ഉദയകുമാറിനെ കാണാനാണു ശിശുപാലൻ തിരുച്ചെന്തൂരിലേക്കു പുറപ്പെട്ടത്.
