ദീപാവലി ദിനത്തിൽ പ്രഖ്യാപിച്ച ചിത്രത്തിൽ മലയാളത്തിലെ പ്രമുഖ ആക്ഷൻ ഹീറോ അയ്യങ്കാളിയാകുന്നു.ആക്ഷന് അതീവ പ്രാധാന്യമുള്ള ചിത്രം താരാ പ്രൊഡക്ഷൻസിൻ്റെ ബാനറിൽ ജഗതമ്പി കൃഷ്ണ നിർമ്മിക്കുന്നു. താരാ പ്രൊഡക്ഷൻസിൻ്റെ ആദ്യ നിർമ്മാണ സംരംഭമാണിത്. ഒരു ആക്ഷൻ ഹീറോ നായകനായി എത്തുന്ന ബിഗ് ബഡ്ജറ്റ് ചിത്രങ്ങളിൽ ഒന്നാമതായിരിക്കും ഈ ചിത്രം.അരുൺ രാജ് സംവിധാനവും ക്യാമറയും കൈകാര്യം ചെയ്യുന്ന ചിത്രത്തിന്റെ കഥ, തിരക്കഥ സംഭാഷണം പ്രദീപ് കെ താമരക്കുളം. ഇൻ്റർനാഷണൽ ഫിലിം ഫെസ്റ്റിവലിൽ മികച്ച ഛായാഗ്രഹകനുള്ള അവാർഡ് നേടിയ (മെമ്മറി ഓഫ് മർഡർ) അരുൺ രാജ് സംവിധാനം ചെയ്യുന്ന രണ്ടാമത്തെ ചിത്രമാണിത്. 'എഡ്വിന്റെ നാമം' എന്ന ചിത്രമാണ് ഇതിനു മുൻപ് സംവിധാനം ചെയ്‌തത്‌. വെൽക്കം ടു പാണ്ടിമല എന്ന ചിത്രത്തിന്റെ ഛായാഗ്രാഹകനും അരുൺരാജായിരുന്നു. ഉടൻ ചിത്രീകരണം ആരംഭിക്കുന്ന ബിഗ് ബഡ്ജറ്റ് ചിത്രം കതിരവൻ്റെ പ്രൊഡക്ഷൻ കൺട്രോളർ വിനോദ് പറവൂർ. പി ആർ ഒ മഞ്ജു ഗോപിനാഥ്.
