ഊട്ടി, കൊടൈക്കനാല് എന്നിവിടങ്ങളിലെ അവധിക്കാലത്തെ വിനോദസഞ്ചാരികളുടെ തിരക്ക് നിയന്ത്രിക്കാന് ഇരുസ്ഥലങ്ങളിലേക്കും പ്രവേശിക്കാൻ ഇ-പാസ് സംവിധാനം ഏര്പ്പെടുത്തണമെന്ന് ഹൈക്കോടതി നിർദ്ദേശിച്ചു. ദിണ്ടിഗല് ജില്ലാ കലക്ടര്മാര്ക്കാണ് നിർദ്ദേശം നൽകിയിരിക്കുന്നത്.മേയ് ഏഴ് മുതല് ജൂണ് 30 വരെ ഇ പാസ് മുഖേന മാത്രമാണ് ഇരുസ്ഥലങ്ങളിലേക്കും സഞ്ചാരികള്ക്ക് പ്രവേശനം അനുവദിക്കുക.ഏതുതരം വാഹനം, യാത്ര ചെയ്യുന്നവരുടെ എണ്ണം, പകല് മാത്രമാണോ യാത്ര അതോ രാത്രി തങ്ങാന് ഉദ്ദേശിക്കുന്നുണ്ടോ തുടങ്ങിയ വിവരങ്ങള് ശേഖരിക്കാനും കോടതി കലക്ടര്മാര്ക്ക് നിര്ദേശം നല്കി. ആറോളം ചെക്കുപോസ്റ്റുകളിലൂടെ ദിനംപ്രതി 20,000 വാഹനങ്ങളാണ് ഊട്ടിയിലും കൊടൈക്കനാലിലും എത്തുന്നത്. ഇത് ജനജീവിതത്തെയും പരിസ്ഥിതി-വന്യജീവി എന്നിവയെ പ്രതികൂലമായി ബാധിക്കുമെന്നും കോടതി നിരീക്ഷിച്ചു. അതേസമയം, പ്രദേശവാസികള്ക്ക് ഇ പാസ് നിയന്ത്രണം ബാധകമല്ലെന്ന് കോടതി അറിയിച്ചു.