മാങ്ങാനം ട്രാഡ കാവൽ പദ്ധതിയുടെ ഭാഗമായി ലഹരി ഉപയോഗത്തിനെതിരെ ബോധവത്കരണ പരിപാടി സംഘടിപ്പിച്ചു. മോക്ഷം എന്ന പേരിലാണ് പരിപാടി സംഘടിപ്പിച്ചത്. എക്സൈസ് ഡിപ്പാർട്ട്മെന്റുമായി ചേർന്നായിരുന്നു പരിപാടി. ലഹരിവിരുദ്ധ സന്ദേശം, പ്രതിജ്‍ഞ, ഫ്ലാഷ് മോബ്, സ്ട്രീറ്റ് പ്ലേ എന്നിവയും പരിപാടിയുടെ ഭാഗമായി. ട്രാഡ അഡ്മിനിസ്ട്രേറ്റർ കോശി മാത്യു, അസിസ്റ്റന്റ് എക്സൈസ് ഇൻസ്പെക്ടർ സുനിൽ എംപി, എക്സൈസ് പ്രിവെന്റീവ് ഓഫീസർ അഭിലാഷ് സിഎ, സിവിൽ എക്സൈസ് ഓഫീസർ ബെന്നി സെബാസ്റ്റ്യൻ, വുമൺ സിവിൽ എക്സൈസ് ഓഫീസർ ആശ ആർ എന്നിവർ പ്രസംഗിച്ചു. ട്രീസ ടി, ലയ സൂസൻ വർക്കി , റിനി രാജൻ എന്നിവർ നേതൃത്വം നല്കി.
