പാലാ: പരസ്യപ്രചാരണം അവസാനിക്കുന്ന ഇന്ന് കോട്ടയം ലോക്‌സഭാ മണ്ഡലത്തിലേയ്ക്ക് മത്സരിക്കുന്ന പ്രധാന മുന്നണികളുടെ കൊട്ടിക്കലാശം പാലായിലും നടക്കും. യുഡിഎഫ് സ്ഥാനാര്‍ത്ഥി അഡ്വ.കെ ഫ്രാന്‍സിസ് ജോര്‍ജിന്റെ തെരഞ്ഞെടുപ്പ് പരസ്യ പ്രചാരണത്തിന്റെ സമാപനം ഇന്ന് വൈകുന്നേരം മൂന്നിന് പാലാ സ്റ്റേഡിയം ജംഗ്ഷനില്‍ നടക്കും. എല്‍ഡിഎഫ് സ്ഥാനാര്‍ഥി തോമസ് ചാഴികാടന്റെ കൊട്ടിക്കലാശം ഇന്ന് ഉച്ചകഴിഞ്ഞ് 2.30ന് കൊട്ടാരമറ്റത്തു നിന്നും പ്രകടനത്തോടെ ആരംഭിച്ച് കുരിശുപള്ളിക്കവലയില്‍ സമാപിക്കും. എന്‍ഡിഎ സ്ഥാനാര്‍ഥി തുഷാര്‍ വെള്ളാപ്പള്ളിയുടെ പരസ്യപ്രചാരണ സമാപനം കൊട്ടാരമറ്റത്തു നിന്നും ആരംഭിച്ച് ആശുപത്രി ജംഗ്ഷനില്‍ സമാപിക്കും. വിവിധ രാഷ്ട്രീയ കക്ഷികള്‍ പാലാ ഡി വൈ എസ് പിയും എസ് എച്ച് ഓയുമായി നടത്തിയ ചര്‍ച്ചയില്‍ ഒത്തൊരുമിച്ചാണ് തീരുമാനമെടുത്തത്.
