2024ലെ 23 കോടി എന്ന് വരുമാനത്തെയാണ് ഒരു വർഷം കൊണ്ട് ഡബിളാക്കിയത്. കുറഞ്ഞ നിരക്കിൽ സുരക്ഷിത യാത്ര എന്നതാണ് പ്രായഭേദമന്യേ കെ.എസ്.ആർ.ടി.സിയുടെ ബി.ടി.സി യാത്രകളിലേക്ക് ജനങ്ങളെ ആകർഷിക്കുന്നത്. ക്രിസ്മസ്- പുതുവത്സര അവധിക്കാലത്ത് മൂന്നാറും മലക്കപ്പാറയും കാണാനാണ് കൂടുതൽ സഞ്ചാരികൾ കെ.എസ്.ആർ.ടി.സി തിരഞ്ഞെടുത്തത്. കുടുംബമായും, കൂട്ടുകാർ സംഘങ്ങളായും യാത്രയുടെ ഭാഗമായി. ഡ്രൈവറും കണ്ടക്ടറുമടങ്ങുന്ന ജീവനക്കാർ സ്ഥലങ്ങളെ കുറിച്ച് വിശദീകരിച്ചും, യാത്രക്കാർക്കൊപ്പം ആടിയും പാടിയും ഒത്തിണങ്ങി പോകുന്നത് യാത്രകളെ കൂടുതൽ ജനകീയമാക്കാൻ സഹായിക്കുന്നുണ്ട്. 2021 മുതലാണ് ടിക്കറ്റേതര വരുമാനം ലക്ഷ്യമിട്ട് കെ.എസ്.ആർ.ടി.സി ബഡ്‌ജറ്റ് ടൂറിസം യാത്രകൾ വിപുലമാക്കിയത്.