തിരുവനന്തപുരം കാട്ടായിക്കോണത്ത് ക്ഷേത്രങ്ങളിൽ ഉപയോഗിക്കുന്ന കതിനയ്ക്ക് തീപിടിച്ച് വീട്ടിൽ പൊട്ടിത്തെറി. ഒരാൾക്ക് ഗുരുതരമായി പൊള്ളലേറ്റു. അപകടത്തിൽ പരിക്കേറ്റ ബാലകൃഷ്ണനെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു.
ക്ഷേത്രത്തിന് സമീപത്തുള്ള കതിന സൂക്ഷിച്ചിരുന്ന വീട്ടിലാണ് അപകടം നടന്നത്. വെടിമരുന്നിന് തീപിടിച്ചാണ് പൊട്ടിത്തെറിയുണ്ടായതെന്നാണ് പ്രാഥമിക വിവരം. വെടിമരുന്ന് സൂക്ഷിച്ചിരുന്നതിന് തൊട്ടു സമീപത്തായി ഇരുമ്പിന്റെ ഒരു കമ്പി, കട്ടർ ഉപയോഗിച്ച് മുറിക്കുന്നുണ്ടായിരുന്നു. ഈ കട്ടറിൽ നിന്ന് തെറിച്ച തീപ്പൊരി വെടിമരുന്നിലേക്ക് വീണാണ് പൊട്ടിത്തെറി ഉണ്ടായതെന്നാണ് വിവരം.
