അതിവേഗവും കുറഞ്ഞ খউত্তও (Low-latency) കണക്റ്റിവിറ്റി നൽകാൻ ടെറാഹെർട്‌സ് ഫ്രീക്വൻസികൾക്ക് കഴിയുമെന്ന് ഈ പരീക്ഷണം സാധൂകരിച്ചു. ഹോളോഗ്രാഫിക് ടെലിപ്രസൻസ്, എക്സ്റ്റെൻഡഡ് റിയാലിറ്റി, ടെറാബിറ്റ്-ക്ലാസ് ബാക്ക്ഹോൾ, ഡിജിറ്റൽ ട്വിൻസ് പോലുള്ള അടുത്ത തലമുറ ആപ്ലിക്കേഷനുകൾ യാഥാർഥ്യമാക്കാൻ ഈ സാങ്കേതികവിദ്യക്ക് സാധിക്കും. വയർലെസ് സാങ്കേതികവിദ്യയിൽ ആഗോള നേതൃത്വം നേടാനുള്ള യുഎഇയുടെ ലക്ഷ്യങ്ങളെയാണ് ഈ പ്രദർശനം അടിവരയിടുന്നത്. ഇത് വ്യവസായത്തിന് മാത്രമല്ല, യുഎഇക്ക് തന്നെ ഒരു വഴിത്തിരിവാണെന്ന് ഇ& യുഎഇയുടെ ആക്ട‌ിങ് ചീഫ് ടെക്നോളജി ആൻഡ് ഇൻഫർമേഷൻ ഓഫീസർ മാർവാൻ ബിൻ ഷാക്കിർ പറഞ്ഞു. കണക്റ്റിവിറ്റിയുടെ ഭാവി രൂപപ്പെടുത്തുന്നതിൽ അക്കാദമിക സ്ഥാപനങ്ങളും വ്യവസായ മേഖലയും തമ്മിലുള്ള സഹകരണം വളരെ പ്രധാനമാണ്.