വിശാഖപട്ടണത്താവും ഗിഗാവാട്ട് ഡാറ്റാ സെന്റർ ക്യാമ്പസ് യുഎസ് ടെക് ഭീമൻ നിർമ്മിക്കുക. എഐ ഇൻഫ്രാസ്ട്രക്ചർ, വലിയ ഊർജ്ജ സ്രോതസ്സുകൾ, വിപുലീകരിച്ച ഫൈബർ-ഓപ്റ്റിക് ശൃംഖല എന്നിവ ഉൾപ്പെടുന്നതായിരിക്കും ഇത്.

യുഎസിന് പുറത്ത് ഗൂഗിൾ നിർമിക്കാനൊരുങ്ങുന്ന ഏറ്റവും വലിയ എഐ ഹബ്ബാണിതെന്ന് ഡൽഹിയിൽ നടന്ന ചടങ്ങിൽ ഗൂഗിൾ ക്ലൗഡ് സിഇഒ തോമസ് കുര്യൻ പറഞ്ഞു. ഭാവിയിൽ ഈ കേന്ദ്രം ഇനിയും വികസിപ്പിക്കാൻ ഗൂഗിളിന് പദ്ധതിയുണ്ടെന്ന് അദ്ദേഹം പറഞ്ഞു.

എഐ രംഗത്തെ വർധിച്ചുവരുന്ന ആവശ്യങ്ങൾ നിറവേറ്റുന്നതിനായി പുതിയ ഡാറ്റാ സെന്റർ ഇൻഫ്രാസ്ട്രക്ചർ നിർമ്മിക്കുന്നതിന് കോടിക്കണക്കിന് പണം ചെലവഴിക്കുന്ന ടെക് ഭീമന്മാർക്കിടയിലെ മത്സരം ശക്തമാകുന്നതിനിടെയാണ് ഈ നീക്കം. മൈക്രോസോഫ്റ്റും ആമസോണും ഇതിനകം ഇന്ത്യയിൽ ഡാറ്റാ സെന്ററുകൾ നിർമ്മിക്കുന്നതിനായി കോടിക്കണക്കിന് രൂപ നിക്ഷേപിച്ചിട്ടുണ്ട്. ഓപ്പൺഎഐ ഈ വർഷം അവസാനത്തോടെ ഒരു ഇന്ത്യൻ ഓഫീസ് തുറക്കുമെന്ന് അറിയിച്ചിട്ടുണ്ട്. രാജ്യത്ത് ചാറ്റ്ജിപിടിയുടെ ഉപയോഗം കഴിഞ്ഞ വർഷത്തെ അപേക്ഷിച്ച് നാലിരട്ടിയായി വർധിച്ചുവെന്ന് ഓപ്പൺ എഐ മേധാവി സാം ആൾട്ട്മാൻ ചൂണ്ടിക്കാട്ടി.