സംസ്ഥാനത്ത് ബാറുകളുടെ സമയം നീട്ടുന്നു. രാവിലെ 10 മണി മുതല് രാത്രി 12 മണി വരെ പ്രവര്ത്തന സമയം നീട്ടാനാണ് തത്വത്തില് തീരുമാനമായിരിക്കുന്നത്. ഇതോടെ അധികമായി രണ്ടു മണിക്കൂര് ബാറുകള് തുറന്നിരിക്കും. എക്സൈസിന്റെ ശുപാര്ശയില് വൈകാതെ തന്നെ ഉത്തരവിറങ്ങുമെന്നാണ് റിപ്പോർട്ട്. നിലവില് രാവിലെ 11 മണി മുതല് രാത്രി 11 മണി വരെയാണ് ബാറുകളുടെ പ്രവര്ത്തന സമയം.
സമയം നീട്ടണമെന്ന ബാറുടമകളുടെ ദീര്ഘകാലമായ ആവശ്യത്തെ തുടർന്നാണ് സര്ക്കാര് തീരുമാനം. ഈ വിഷയത്തിൽ എക്സൈസ് മന്ത്രി പലതലത്തില് ചര്ച്ചകള് നടത്തിയിരുന്നു.വിനോദ സഞ്ചാര മേഖലകളില് ഈ പ്രവര്ത്തന സമയത്തില് മാറ്റം ഉണ്ടാവാന് സാധ്യതയുണ്ട്. കുറച്ചുംകൂടി സമയം ഈ മേഖലയില് അനുവദിച്ചേക്കും.വിനോദസഞ്ചാര മേഖലയെ മുന്നിര്ത്തിയാണ് പ്രവര്ത്തന സമയം ദീര്ഘിപ്പിക്കാന് ആലോചിക്കുന്നത് എന്നാണ് സര്ക്കാർ വാദം.
