മൊത്തം 15 മുതൽ 18 വരെ 50,000 പേർക്കും 19ന് 30,000 പേർക്കും വെർച്വൽ പാസ് അനുവദിക്കും. ഈ ബുക്കിംഗ് എല്ലാം പൂർത്തിയായിട്ടുണ്ട്. സ്പോട്ട് ബുക്കിംഗ് 5000 പേർക്കായി പരിമിതപ്പെടുത്തിയിരുന്നു.

# പാസില്ലാത്തവരെ കർശനമായി തടയും. തീയതിയും സമയവും തെറ്റിച്ചു വരുന്നവർക്കും പ്രവേശനമില്ല. ഭക്തർക്ക് കുടിവെള്ലം, ലഘുഭക്ഷണം, അന്നദാനം എന്നിവ ഉറപ്പാക്കണം.

# രാവിലെ 10ന് ശേഷം നിലയ്ക്കലിൽ നിന്ന് പമ്പയിലേക്കും 11ന് ശേഷം പമ്പയിൽ നിന്ന് സന്നിധാനത്തേക്കും തീർത്ഥാടകരെ അനുവദിക്കില്ല.

#തിരുവാഭരണ ഘോഷയാത്രയെ സ്വീകരിക്കുന്നതിനും ശുചീകരണത്തിനുമായി ഉച്ചയ്ക്ക് 12മുതൽ സന്നിധാനത്ത് കർശന നിയന്ത്രണം.

# വൈകുന്നേരം 6 മുതൽ 7 വരെ മാദ്ധ്യമപ്രവർത്തകർക്ക് നിയന്ത്രണം. ഓ സ്ഥാപനത്തിൽ നിന്നും രണ്ട് അക്രഡിറ്റഡ ജീവനക്കാർക്ക് മാത്രം അനുമതി. ക്ഷേത്രപരിസരത്ത് ട്രൈപോഡും കേബിളും പാടില്ല.

# 13, 14 തീയതികളിൽ എരുമേലി വഴിയുള കാനനപാതയിലൂടെ 1,000 തീർത്ഥാടകരെയും സത്രം - പുല്ലുമേട് വഴി 1500 പേരേയും മാത്രമേ അനുവദിക്കൂ.

# അപ്പാച്ചിമേട് - ബെയ്‌ലി ബ്രിഡ്ജ് വനപാതയിലൂടെ ആരും പ്രവേശിക്കുന്നില്ലെന്ന് വനം വകുപ്പ് ഉറപ്പാക്കണം.

# മകരവിളക്ക് ദർശിക്കാൻ പുല്ലുമേട്ടിൽ 5000 പേരിൽ കൂടുതൽ പാടില്ല. ഇവർ പാസുള്ലവരായിരിക്കണം.

#പൊന്നമ്പലമേട്ടിൽ മകരജ്യോതി ചടങ്ങിന് ചുമതലപ്പെട്ടവർ മാത്രമേ പാടുള്ളൂ.

തീർത്ഥാടകരുടെ വേഗത്തിലുള്ല മടക്കയാത്രയ്ക്കായി പമ്പാ ഹിൽടോപ്പിൽ പാർക്കിംഗ് നിയന്ത്രണങ്ങൾ ഏർപ്പെടുത്താം.

കോടതി നിർദ്ദേശങ്ങൾ ലംഘിക്കാൻ അനുവദിക്കില്ലെന്നും ഭക്തരുടെ സുരക്ഷയ്ക്കും ആരോഗ്യത്തിനും മുൻഗണന നൽകണമെന്നും ഉത്തരവിൽ വ്യക്തമാക്കി.