ഏഷ്യൻ ഗെയിംസ് റെക്കോർഡോടെയായിരുന്നു ഇന്ത്യയുടെ സ്വർണം. യോഗ്യതാ റൗണ്ടിലെ അതേ പ്രകടനം ഫൈനലിലും ആവർത്തിച്ച സുരുചിയും കമൽജീതിൻ്റേയും സ്കോർ 484.6 ആണ്. വെള്ളി നേടിയ ദക്ഷിണ കൊറിയയേക്കാൾ ആറ് പോയിന്റ് വ്യത്യാസത്തിലായിരുന്നു ഇന്ത്യയുടെ സ്വർണം. ദക്ഷിണ കൊറിയ 478 പോയിന്റും വെങ്കലം നേടിയ ഇറാൻ 415.8 പോയിന്റുമാണ് നേടിയത്. നഗോയയിൽ ഇന്ത്യയുടെ രണ്ടാം സ്വർണം കൂടിയാണിത്.നേരത്തെ വനിതാ ക്രിക്കറ്റിലും ഇന്ത്യ സ്വർണം നേടിയിരുന്നു.

50 മീറ്റർ റൈഫിൾ ത്രീ പൊസിഷൻ ടീം ഇനത്തിൽ ചൈനയ്ക്കാണ് സ്വർണം. വെള്ളി നേടിയ ഇന്ത്യക്കായി പ്രതാപ് സിങ് തോമറും നീരജ് കുമാറും മികച്ച പ്രകടനം പുറത്തെടുത്തു. രുദ്രാംക്ഷ് പാട്ടീൽ നിറം മങ്ങി.589 പോയിന്റോടെ പ്രതാപ് സിങ് തോമറും 588 പോയിന്റോടെ നീരജ് കുമാറും വ്യക്തിഗത ഫൈനലിനും യോഗ്യത നേടി. രുദ്രാംക്ഷ് പാട്ടീലിന് 585 പോയിന്റ് നേടാനായുള്ളു.