എന്നാൽ കുട്ടിയുടെ മൊഴി പോലീസ് പൂർണമായി വിശ്വസിക്കുന്നില്ല. യൂട്യൂബ് വീഡിയോകൾ കണ്ടുമാത്രം ഒരാൾക്ക് വാഹനം ഓടിക്കാൻ കഴിയില്ലെന്നാണ് പോലീസിന്റെ അനുമാനം. ഇതിനുമുമ്പും കുട്ടി വാഹനം ഓടിച്ചിരിക്കാമെന്ന നിഗമനത്തിലാണ് പോലീസ്. 'ഞായറാഴ്ച അച്ഛൻ വൈകിയേ എഴുന്നേൽക്കുകയുള്ളൂ' എന്ന് കുട്ടി പറയുന്ന ഒരു വാട്‌സ്ആപ്പ് സന്ദേശം അയച്ചിരുന്നതായും വിവരമുണ്ട്.മകൻ വാഹനം എടുത്തുകൊണ്ടുപോയ കാര്യം താൻ അറിഞ്ഞിരുന്നില്ലെന്നാണ് ജഡ്ജിയുടെ മൊഴി. എന്നാൽ ജഡ്ജി നൽകിയ ഈ മൊഴിയും പോലീസ് പൂർണ്ണമായി വിശ്വസിച്ചിട്ടില്ല. കേസിന്റെ അന്വേഷണം ഇപ്പോൾ ജില്ലാ ക്രൈം ബ്രാഞ്ച് ഏറ്റെടുത്തിട്ടുണ്ട്. ക്രൈം ബ്രാഞ്ച് സംഘം അന്വേഷണ നടപടികളുമായി അതിവേഗം മുന്നോട്ട് പോവുകയാണ്. സംഭവത്തിൽ കൂടുതൽ തെളിവുകൾ ശേഖരിക്കാനാണ് ഇപ്പോൾ അന്വേഷണസംഘം ലക്ഷ്യമിടുന്നത്. ഇതിന്റെ ഭാഗമായി കേസ് അന്വേഷണ സംഘം വിവിധ പരിശോധനകൾ നടത്തിവരികയാണ്.